Aredim – Univers City

Univers City, vendndodhje ideale pranë kryeqytetit dhe akses të shpejtë drejt detit

admin — Thu, 18 Jul 2024 08:10:53 +0000

Të largohesh nga vapa për të gjetur qetësi dhe freski buzë detit është dëshira më e madhe në këto ditë vere. Por ndodh shpesh, që angazhimet e përditshmërisë nuk mundësojnë pushime të gjata, duke ja lënë vendin “arratisjeve” ditore. E në këto shkëputje, ajo që më së shumti të gjithë ne duam të evitojmë, janë qëndrimet për një kohë të gjatë në makinë. Të banuarit sa më pranë destinacioneve turistike është alternativa më e mirë.

Gjiri i Lalzit, Plazhi i Hamallajt apo Kepi i Rodonit janë disa nga destinacionet më të kërkuara për banorët e kryeqytetit në këtë sezon veror, ku tashmë këto destinacione bëhen më të arritshme nga Univers City, “qyteti më i ri” që ka filluar të marrë jetë.

Falë pozicionit të vetë projektit dhe aksesit direkt në rrugët nacionale, banorëve të Univers City nuk do ju duhet shumë kohë për të shijuar detin. Në më pak se 30 minuta, “arratisjet” ditore do të kthehen në relaksin e shumë dëshiruar. Kaq pranë dhe kaq lehtë.

Një verandë argëtuese për vogëlushët tuaj.

admin — Fri, 22 Dec 2023 09:53:58 +0000

Ju mund të drejtoni energjinë e fëmijës tuaj pa shpenzuar shumë. Stimuloni krijimtarinë e tij në një mënyrë unike! Zgjidhjet e zgjuara do t’ju ndihmojnë të kurseni kohë dhe para. Mjafton një verandë dhe ja ku e keni zonën më të dashur të shtëpisë për të vegjëlit tuaj. Ne ju propozojmë disa alternative për shndërrimin e një verande të zakonshme në një oaz ngjyrash e lojrash për fëmijët.

Lojërat aktivizojnë më shumë shqisat dhe ndihmojnë zhvillimin e trurit. Sa më shumë që aktivitetet kërkojnë më shumë shqisa, aq më i lumtur është fëmija. Në një kënd të verandës tuaj mund të krijoni një hapësirë dedikuar fëmijëve. Lëvizja është shumë e rëndësishme për zhvillimin e vogëlushëve tuaj. Aksesorët si minitrampolina apo shilarësi nuk duhet të mungojnë në asnjë verandë.

Një mënyrë e dobishme për të shfrytëzuar energjinë e fëmijës është të zhvilloni që në moshë të re pasionin për kopshtarinë e mjedisin. Mësojeni fëmijën të zbulojë gëzimin e natyrës dhe të ndjejë sa bukur është të kujdesesh për bimët. Ju mund të veçoni një hapësirë të vogël të verandës që ai të jetë zyrtarisht kopshti i tij. Ndihmojeni të mbjellë disa perime dhe të kujdesenin së bashku për to. Për ta bërë kopshtarinë sa më tërheqëse, zgjidhni biimët që do e tërheqin atë. Mund të shtoni guralecë ose guaska deti. Padyshim fëmija juaj do të jetë i kënaqur!

Në ditët plot diell të verës, një shtëpi prej druri do të jetë perfekte. Me një investim minimal me disa dërrasa dhe me ndihmën e një marangozi ju mund të ndërtoni një strehëz për vogëlushët tuaj, e dobishme sidomos pasditeve të verës. Ai mund ta kthejë atë në strehëzën e tij të preferuar ku mund të vizatojë, ngjyrosë i mbrojtur nga rrezet e diellit. Ndërsa një pishinë e vogël do ta bënte verandën zonën më tërheqëse për vogëlushët gjatë muajve të verës. Pishinat për fëmijë gjenden në madhësi që variojnë sipas sipërfaqes së verandës që ju zotëroni.

Ka dhjetëra mënyra për ta kthyer edhe verandën më modeste në një kënd lojërash të shëndetshëm që do t’i kënaqë fëmijët tuaj në çdo stinë. Gjithçka që duhet është një verandë dhe pak imagjinatë.

Veranda për mbrëmjet me familjen e miqtë, recetë për sukses

admin — Mon, 18 Dec 2023 14:19:03 +0000

Ribashkimet familjare është koha kur të gjithë brezat bashkohen. Është koha kur ndahen historitë e kujtimet mes brezave si një mënyrë për të ruajtur historinë e familjes suaj dhe për ta ndarë atë me brezat e rinj.

Dëshironi të kaloni një mbrëmje të lumtur familjare?

Të zhytur në gjelbërim, veranda e apartamentit tuaj është hapësira ideale ku mund jo vetëm të pushoni, por edhe të organizoni një darkë të familjes, një aperitiv me miqtë apo të jetoni momentin e shënuar të ndërrimit të viteve. Veranda mund të jetë edhe vendi i duhur ku mund të organizoni ditëlindjet e fëmijëve tuaj, duke krijuar kujtime të bukura vit pas viti.

Kalimi i kohës me miqtë dhe familjen sipas psikologëve është i rëndësishëm edhe për shëndetin mendor dhe emocional dhe të kesh një hapësire në natyrë është një avantazh veçanërisht në ditët e ngrohta. Kur moti është i mirë, do të zgjidhnit të uleni jashtë apo të qëndroni brenda?

Të qenit në shoqërinë e familjes apo të miqve, shijimi i ushqimit dhe i motit në një ambient të jashtëm si kopshti apo veranda e apartamentit tuaj është një mënyrë e shkëlqyeshme për të larguar lodhjen e ditës dhe stresin e javës. Në verandën tuaj ju mund të krijoni një atmosferë të ngrohtë sociale për kalimin e kohës me miqtë dhe familjen.

Veranda, strehëza e dashur për katërputroshët tuaj

admin — Wed, 22 Nov 2023 15:18:56 +0000

Për banorët e apartamenteve është e vështirë të krijojnë një hapësirë të përshtatshme për nevojat e katërputroshëve të tyre, por veranda është pikërisht vendi i duhur për t’ua lehtësuar. Katërputroshët kanë nevojë për një zonë me hije ku mund të pushojnë, të qetësohen nëse është e nevojshme dhe të pinë shumë ujë për të qëndruar të hidratuar. Ja disa mënyra për të përshtatur verandën tuaj në strehëzën më të dashur për shokun tuaj me katër këmbë.

1. Bar artificial

Bari i artificial mund të sigurojë një vend të këndshëm për t’u shtrirë ose një vend të dedikuar për t’u çliruar. Është i butë dhe i rehatshëm. Ka disa opsione të barit artificial për nga madhësia, por pavarësisht se cilin zgjidhni, të kesh bar të artificial mund të gjelbërojë hapësirën tuaj duke përmirësuar edhe rehatinë për kafshën tuaj.

2. Pishinë për kafshët tuaja

Vecanërisht në vapën e verës, një nga mënyrat më të mira për të freskuar qenin tuaj është të vendosni në një cep të verandës pishinën e dedikuar për ta. Ato janë të madhësive të ndryshme, por ju zgjidhni dimensionin që i përshtatet hapësirës tuaj.

3. Vendosni shtratin e kafshës suaj në verandë

Qentë dhe macet duan një vend të këndshëm të rehatshëm për t’u shtrirë jashtë. Zgjidhni një shtrat rrjetë dhe të ngritur nga toka që të mund të marrin frymë lehtësisht për të eliminuar nxehtësinë e tepërt.

4. Kutia e rërës

Qentë e macet duan të gërmojnë. Është një aktivitet që mund t’i angazhojë ata mendërisht, veçanërisht në ditët e nxehta vere. Nëse qeni juaj pëlqen të gërmojë, pse të mos i bëni një kuti rëre për të luajtur? Një kuti rëre mund të jetë një shtesë e shkëlqyeshme në hapësirën e lojës në oborr për kafshët tuaja shtëpiake.

5. Veranda mund të kthehet në hapësirën e tyre të lojës

Vendosni një shesh lojërash në verandë që ju jep hapësirën të ndihen si në park. Zgjedhja e lojërave varet nga hapësira e verandës suaj.

Si të dekorojmë një verandë?!

admin — Wed, 15 Nov 2023 13:41:34 +0000

Shtëpia është një nga investimet më të mëdha që bëjmë dhe sigurisht, ne dëshirojmë ta shfrytëzojmë sa më shumë hapësirën dhe ta bëjmë sa më tërheqëse.

Një avantazh i madh është pasja e një veranda që ju krijon mundësinë të krijoni zona shplodhjeje apo argëtimi pa qenë të detyruar të zhvendosni mobiliet në sallonin e ndenjjes sa herë ftoni miqtë.

Ka disa mënyra të thjeshta si mund ta bëni shtëpinë tuaj sa më tërheqëse, duke shtuar elemente dekorative në verandën tuaj.

Filloni duke zgjedhur disa pjesë kryesore të mobiljeve, të tilla si një kolltuk apo karrige të rehatshme dhe një tavolinë kafeje në natyrë.

Më pas, shtoni disa aksesorë dekorativë, si llamba dyshemeje, vazo dhe jastëkë dekorativë. Ja disa sugjerime si të zgjidhni mobiliet:

1. Zgjidhni mobilie të lehta, komode dhe praktike. Veranda është një vend i mrekullueshëm për t’u çlodhur, prandaj sigurohuni që të zgjidhni mobilje të rehatshme për t’u ulur.

2. Zgjidhni mobilie që pastrohen lehtë.

3. Zgjidhni ngjyrën dhe materialet që përputhen me stilin e verandës.

Shtoni disa aksesorë dekorativë për të përmirësuar pamjen e hapësirës. Provoni të shtoni disa bimë në vazo apo në vazo të varura në mur. Kjo do ta bëjë hapësirën më tërheqëse dhe komode dhe mund ta bëjë të ndjehet më shumë si një zgjatim i shtëpisë tuaj.

Nëse keni sende të tjera dekorative që mendoni se do të funksiononin mirë në këtë hapësirë, mos ngurroni të eksperimentoni dhe të shihni se çfarë duket më mirë. Duke shtuar disa pjesë të thjeshta, ju mund të transformoni vërtet pamjen e verandës tuaj dhe mund të kthehet në vendin tuaj magjik për të përjetuar momente të veçanta.

Një apartament ekologjik? Ja si ta arredojmë.

admin — Wed, 15 Jun 2022 15:32:42 +0000

Në kohët që po jetojmë të qenit ekologjik ka marrë gjithnjë dhe më shumë vëmendje. Jo vetëm në ambientin që na rrethon por edhe brenda mureve të shtëpisë. Ja si ta kthejmë një apartament në ekologjik.

Si fillim le ta nisim nga arredimi i dhomës së ndenjes. Për të bërë këtë ndryshim ka vetëm një rregull: qëndro në origjinalitetin e tij duke ruajtur autenticitetin e apartamentit.

Dhoma e ndenjes duhet të mobilohet në mënyrë të tillë që të mos bllokojë dritën e diellit të hyjë nga dritaret. Gjithashtu, boja e përdorur për muret dhe tavanin duhet të jetë jo-toksike për ambientin. Bojërat jo-toksike që përdoren në këto arredime kanë disa avantazhe pasi si fillim largojnë kimikatet nga ambienti ku jetojmë, veçanërisht për ata persona që vuajnë nga alergjitë apo kanë ndjeshmëri të lartë ndaj materialeve kimike. Në këtë mënyrë jo vetë i japim pamjen që dëshirojmë ambientit ku jetojmë por edhe mbrojmë planetin pasi janë më të thjeshta për t’u shpërbërë në natyrë.

Në momentin që lejojmë dritën të hyjë në apartament, ne nuk harxhojmë shumë energji elektrike, por në të njëjtën kohë krijojmë një hapësirë më të madhe në dhomën e ndenjes. Këtë hapësirë e ndihmon edhe lyerja e mureve me një bojë të bardhë ose ngjyrë të hapur, duke i dhënë dritë dhe ngrohtësi ambientit.

Dyshemeja e dhomës mund të shtrohet me parket bamboo, i cili përveç se është një material ekologjik ka dhe shumë avantazhe të tjera si rezistencë të lartë, përzgjedhje të gjerë ngjyrash dhe lehtësi në pastrim. Ky parket do të shkonte shumë edhe me një tapet prej një materiali organik të papërpunuar me kimikate por me ngjyra të hapura.

Mobiljet mund të jenë të përdorura, që gjenden lehtësisht në dyqanet e dorës së dytë, si një mënyrë për të qenë sa më shumë ekonomikë dhe për të ndihmuar industrinë e riciklimit. Megjithatë për ata që duan mobilje të reja sipas stilit që preferojnë, ekziston mundësia e dekorimit me mobilje të ndërtuara me materiale ekologjike si dru, bamboo, pambuk organik, materiale të ricikluara dhe shumë të tjera.

Dhe si përfundim ndriçimi i zgjedhur duhet të jetë LED kjo edhe për të kursyer energji.

Të gjitha këto detaje të ndërthurur bashkë do ta kthejnë shtëpinë tuaj në një shtëpi ekologjike dhe shumë të rehatshme për të jetuar dhe për të kaluar momente të bukura më familjen.

Shtatë ngjyrat trend për 2022 dhe si t’i përdorim në shtëpitë tona

admin — Wed, 11 May 2022 07:38:11 +0000

Ngjyrat e Vitit 2022 janë shtatë. Ato përcjellin optimizëm dhe shpresë për të ardhmen pas kaosit të viteve të fundit që shkaktoi pandemia. Jo vetëm një listë të tyre, por dizajnët e shtëpive dhe ekspertët e ngjyrave na udhëzojnë edhe si t’i përdorim në apartamentet tona. Njerëz të ndryshëm preferojnë ngjyra të ndryshme. Disa janë pro nuancave neutrale dhe disa të tjerë tek ato më të ndezura, por të gjithë bashkohen në pikën që ngjyrat mbi të gjitha duhet të përcjellin pozitivitet dhe optimizëm.

E nisim nga e verdha e diellit “sunny yellow”. Megjithëse e ndezur dhe vibrante ajo nuk është shumë mbytëse, e përkryer për dhoma me hapësira të mëdha. Nëse zgjidhni të përdorni këtë ngjyrë, dekori duhet të jetë sa më minimalist dhe me ngjyra të hapura që nuk bien shumë në sy.

E bardha e shkollave “School House White”. Kjo e bardhë përcjell një ndjenjë nostalgjie dhe njihet si zgjedhja më e re për tonet neutrale. Me shumë pak ndryshim nga e bardha origjinale, kjo ngjyrë mund të përdoret shumë mirë me çdo ngjyrë tjetër. Ideale për t’u vendosur si sfond krahas ngjyrave më vibrante duke krijuar idenë e hapësirave të lira.

Bluja e shpresës, “Bright Skies – the hopeful blue”. Ngjyrë që sjell jetë në çdo hapësirë dhe krijon idenë e rikthimit në natyrë. Kjo nuancë e blusë është optimiste, familjare dhe relaksuese.

Jeshilja e dhomës së ngrënies ”Breakfast Room Green”. Gjatë pandemisë shumë prej nesh e kthyen vëmendjen tek kopshtet në shtëpi dhe tek natyra në formën e saj më origjinale. Për shkak të natyrës së saj qetësuese, Breakfast Room Green këshillohet të përdoret në ambientin ku konsumohet mëngjesi ose në dhomat e orientuara nga lindja.

E kuqja ngushëlluese, “Incarnadine – the comforting red”, është një ngjyrë e pasur me një nuancë të ngrohtë të së kuqes tradicionale. Mund të përdoret duke e kombinuar me punime druri, qoftë në mobilje apo si dekorim për të krijuar një ambient sa më të ngrohtë.

“October Mist” është një jeshile më e zbehtë për të gjithë ata që në preferencat e tyre kanë ngjyrat e tokës. Ashtu si jeshilja e dhomës së mëngjesit, kjo ngjyrë gjithashtu ka për qëllim të na tërheqë vëmendjen drejt natyrës. E thjeshtë për t’u përfshirë në dekorimin e shtëpisë suaj, ajo kombinohet lehtësisht me ngjyra të tjera.

Blu Vintage “Stone Blue”, e fundit por jo më pak e rëndësishme se të tjerat kthen stilin vintage në tendencat e këtij viti. Kjo blu e pakohë mund të përdoret me tone të tjera të ngrohta për të përcjellë ndjesinë e kohërave të vjetra. Nga ana tjetër mund të përdoret dhe me tone më të ftohta për një pamje më të “pastër” dhe bashkëkohore.

Nëse keni një shtëpi në ndërtim dhe jeni duke menduar si ta arredoni atë, keni një apartament dhe dëshironi të bëni një ndryshim këtë vit, apo shtëpia juaj ka nevojë për më shumë ngjyra, këto janë shtatë opsione se si të ecni në një hap me trendët e dizajnit për këtë vit.

Një “kopsht” në apartamentin tuaj! Pse jo?

admin — Tue, 26 Apr 2022 09:24:32 +0000

Nëse jetoni në një apartament dhe dëshira juaj është të keni një kopsht të vogël, ne jemi këtu. Le ta dekorojmë bashkë ballkonin tuaj siç e keni imagjinuar dhe ta kthejmë atë në një ambient të gjelbëruar dhe relaksues.

Sa më shumë dritë!

Ngjyrat e bardha krijojnë iluzionin e një sipërfaqeje më të madhe dhe përdorimi i tyre është i rekomanduar në hapësira të vogla. Zgjidhni të keni mobilie me këtë ngjyrë, por nëse e bardha nuk është e preferuara juaj, atëherë opsion janë ngjyrat e hapura.

Sa më thjeshtë!

Shmangni përdorimin e shumë mobilieve. Krijoni hapësira të lira dhe mos qëndroni me idenë për ta mbushur me gjithçka. Jepini një pamje sa më minimale kopshtit tuaj. Zgjidhni lule me ngjyra dhe bimësi të ndryshme të cilat duhet jenë mbizotëruese.

Përdorimi i rafteve!

Përdorimi i rafteve ju ndihmon të krijoni më shumë hapësirë për të vendosur objekte të ndryshme në dekorin që do ketë ballkoni i apartamentit. Vazo me lule ose aksesorë të tjerë do qëndrojnë pa krijuar rrëmujë. Duke përdorur raftet mund të jeni më të organizuar dhe të ruani hapësira të lira që sado i vogël të jetë ballkoni i shtëpisë, të duket një kopsht i vërtetë.

Pllaka me motive!

Një ambient i vogël i shtruar me pllaka me motive është ideali për kopshtin që duam të ndërtojmë. Ato jo vetëm që i japin ngjyra dhe një pamje të bukur vizuale, por përçojnë edhe idenë e një sipërfaqeje më të madhe.

Vetëm me 4 hapa, ju do të keni një hapësirë të veçantë për t’u çlodhur duke i shtuar akoma më shumë vlerë pronës suaj. Ambienti i duhur për t’u mbledhur me familjen ose miqtë dhe për të shijuar momente të bukura bashkë. Ky ballkon do të jetë thjesht një pasuri e paçmuar.